المساعد الشخصي الرقمي

مشاهدة النسخة كاملة : هدرزه للعرائس و للمخطوبات واي إستفسار خاص من البنات يكون هنا ..


الصفحات : 1 [2]

شوشوبس
10-22-2011, 09:22 PM
لا حول و لا قوة الا بالله *3

ربي يعوضك خير انشاء الله و انشاء الله ما تكونيش تسرعتي !!!

احلي لؤلؤة
10-22-2011, 09:26 PM
ان شاء الله يارب
لا فكرت كويس وحتي ماما حست هدا الصح
قله التفاهم من توا صعبه كيف لو تزوجنا

شوشوبس
10-22-2011, 09:29 PM
عندك حق ,, اهم حاجة التفاهم

المهم انت ما تزعليش روحك و انشاء الله تلقي الخير يا رب

رغــــــــــد
10-22-2011, 09:30 PM
لا حول ولا قوة إلا بالله
إن شاء الله خير يالؤلؤه مع إني نأييد انك تاخذي وقت اكثر *3
بس أنتي ادري بالمشكله أهم شي أنك صليتي إستخاره
وربي يعوضك خير بنصيب خير من الاول
أهم شي ما تضايقي لان الخيرة فيما اختاره الله
ومدام وكلتي أمرك لربك
عمرك ما تندمي باذن الله وقدر الله ماشاء فعل

رغــــــــــد
10-22-2011, 09:33 PM
أكيد التفاهم أهم شي واول حاجه لازم تكون متواجده بين الطرفين
المهم ياوخيتي ما تضايقي راهي الدنيا ما تسوي
واللي كاتبه ربي بيصير
واهم شي يكون عندك إيمان إن اللي كاتبه ربي للمسلم خير
وعسي أن تكرهوا شيئا وهو خير لكم
وربي يعوضك خير يا رب

احلي لؤلؤة
10-22-2011, 09:38 PM
اني الحمد لله مرتاحه وفكرت بعقلي
بس المشكله نحبه كيف بننساه وكيف بننسا اول حب في حياتي
يعني عقلي كان يقولي خلاص صعب التفاهم
بس قلبي يقولي هدا الي تحبيه وتموتي فيه
نبي شوية وقت للنسيان

شوشوبس
10-22-2011, 09:53 PM
*3*3*3*3

ما نبيش انزيدها عليك

لكن النسيان صعب و يبي وقت للاسف :(

أمة الله
10-22-2011, 10:22 PM
السلام عليكم يا عرايس

ربي يعوضك خير يا أحلى لؤلؤة
فيها خيرتك إن شاء الله

يا وخياتي نبي نستفسر منكم على بعض الحاجات
أني عرسي في شهر واحد كان سخر ربي
عقبال لكل البنيات
ومازلت ماحجزتش لا الصالة ولا المزين والعشاء
نبيكم تعطوني أفكار جديدة ليوم الحفلة وليكم جزيل الشكر بالله عليكم ما تبخلوا على وخيتكم

شوشوبس
10-22-2011, 10:26 PM
وعليكم السلام

اهلين اختي امة الله نورتينا ^_^

ربي يتمملك علي خير انشاء الله

باهي انت في اي مدينة ؟؟؟؟

لو في طرابلس شوفي صالة ( نور العين ) حلوة و نازكة الحق

احلي لؤلؤة
10-22-2011, 10:26 PM
وعليكم السلام امة الله
تسلمي ان شاء الله
اول حاجه انتي في شن خاطرك واي صاله تبي تحجزيها
وان شاء الله مانقصروش معاك
فرحنا لقينا وحده عرسها توا نهدرزو ونفرحو

أمة الله
10-22-2011, 10:32 PM
منورات يا عرايس وينكم

احلي لؤلؤة
10-22-2011, 10:34 PM
مع انه معاش بديت من العرايس ههههه
لكن موجوده

أمة الله
10-22-2011, 10:36 PM
تسلمي يا أحلى لؤلؤة أني خاطري في صالة المندرة اللي في الهاني لكن عيبها الصالتين في الداخل جنب بعض ممكن تصير دوشة في حالة وجود حفلتين في نفس اليوم
الصالة الثانية الهناء اللي في بن عاشور شوري عليا أيهم أحسن ولو رايك في صالة أحسن قوليلي الله يرحم والديك

أمة الله
10-22-2011, 10:37 PM
إن شاء الله حتكوني أحلى عروسة في الوقت المناسب يا أحلى لؤلؤة

أمة الله
10-22-2011, 10:40 PM
مشكورة أختي شوشو بس نور العين مش عاجبة ماما قالت العروسة ماتبانش للكل والله محتارة

شوشوبس
10-22-2011, 10:40 PM
شكلك ما قريتيش ردي *6

صالة المندرة مش ماشيتلها قبل ,, لكن الهناء اللي في بن عاشور

حلوة صح لكن الدروج اللي في المدخل خطير هلبا و نزلته واعرة

شوفي صالة نور العين

شوشوبس
10-22-2011, 10:44 PM
حتى صالة ( فرحتي ) في بن عاشور حلوة

أمة الله
10-22-2011, 10:47 PM
والله عندك الحق ياشوشو صالة الهناء دروجها يخوف ومترددة فيها حتى لأن تخشي طول تلقي الصالة قدامك ما فيهاش مدخل " سقيفة "
نور العين حلوة وعاجبتني لكن زي ماقتلك ما ما مش عاجبتها

أمة الله
10-22-2011, 10:48 PM
صالة فرحتي بنفكر فيها ماشيتلها مرة لكن نسيتها كيف

احلي لؤلؤة
10-23-2011, 11:12 AM
تسلمي مشكورة
اني عاجبتني صاله فرحتي حلوة
والمندره مش شايفتها قبل وصاله الهناء زي ماقالت شوشو الدروج خطير هلبا

رغــــــــــد
10-23-2011, 09:36 PM
هلا بالعرايس كيف حالكن اليوم
وألف مبرووووك يا أمة الله
ربي يتمملك علي خير إن شاء الله

احلي لؤلؤة
10-24-2011, 12:27 PM
هلا بالعرايس
كيفك رغد اليوم
امة الله شن قررتي عالصاله

رغــــــــــد
10-24-2011, 06:06 PM
الحمدلله تمام
كف حالك انتِ^^

احلي لؤلؤة
10-25-2011, 01:40 AM
تمام رغوده
وينكم ياعرايس

ام جودوحمود
10-25-2011, 10:20 AM
السلام عليكم

اولا مبروك ع العرايس والعقبه للباقي ان شاء الله
حبيت نقول رأي لي أمة الله في الصاله في صاله عاجبتني هلبه وماشفتش احلى منها بصراحه وانا درت عرسي فيها
اسمها دانا في تقسيم ابو شعاله حلوه ياريت تشوفيها
وربي يتمملك علي خير ان شاء الله

احلي لؤلؤة
10-26-2011, 09:17 PM
مساء الخير
صاله دانه صح حلوة بس طريقها صعبه هلبا واغلب الناس مايعرفوهاش
وين العرايس رقدتو

لولوة الحبيب
10-28-2011, 03:58 AM
اهلا بالعرايس وربى ايكملهم على خير
ان شاء الله بعد فترة نولى معاكم مخطوبة لكن مرة مرة بنخش نقصقص

شوشوبس
10-28-2011, 10:42 PM
السلام عليكم


وينكم يا عرائس نبيكم ضروري *25

رغــــــــــد
10-28-2011, 10:57 PM
وعليكم السلام شوشو
تفضلي في الخدمه ^^
وإن شاء الله خير

رغــــــــــد
10-28-2011, 10:59 PM
هلا لولوة الحبيب نورتي وعقبالك إن شاء الله
وتفضلي في أي وقت ^^

شوشوبس
10-28-2011, 11:01 PM
اهلين رغود الحمد لله اللي رديتي عليا ^_^

خير انشاء الله

تعرفي كلمونا حوش العريس و قالونا يبوا البيان بعد اسبوعين و كبير في الصالة

و انا ما عنديش خوات *3 و مش عارفة منين نبدا

بالله عليك ساعديني وقوليلي شن اندير ؟

رغــــــــــد
10-28-2011, 11:10 PM
باهي ماشاء الله ربي يتمللك علي خير
بس نستوضح أمر لان التسميات تختلف في الشرق عن الغرب
البيان قصدك بيه الفاتحه ويجوا أهل العريس في الصاله
ويلبسوك الدبله ويجبوك لبسك
صح ولالا ^^

رغــــــــــد
10-28-2011, 11:12 PM
اذا كان كلامي صح
فأول امر ديريه هو أنك تشري الفستان كامل
مع الشنطه والكندره حشاك
وكذلك اذا كنتي تبي تحني فنسقي مع حنايه وحددي معاها الموعد
وحني قبل البيان بيومين عشان تصبغ أكثر الحنه ويكون لونها حلو
يتبع ^^

شوشوبس
10-28-2011, 11:13 PM
ايه صح بس من غير فاتحة *6 ( يعني خطوبة )

الفاتحة يقروها في العرس

شوشوبس
10-28-2011, 11:15 PM
لالا الحمد لله القفطان شارياته قداش ليا هو و حاجاته

و بالنسبة للحنة ,,, لالا ما يحنوش في البيان عندنا *6

رغــــــــــد
10-28-2011, 11:18 PM
آها العادات تختلف نحنا تحني بس حنه بسيطه نقشه بسيطه علي اليدين
نكمل
اشري طقم إكسسوارت واذا شريتي الفستان قوليلنا عشان نساعدوك في الطقم ولونه
ثالثا شوفي الكوافيره نسقي معاها وأسألي عن وحده تعرف في المكياج كووويس
وراهو في البيان الشعر يكون مطلوق يادوب الجمّه تعدلها لك شويا
والمكياج ما يكون واجد يكون خفيف لان في الفرح بترفعي شعرك وديري تسريحه والمكياج يكون ثقيييل
فالافضل كل شي يكون بسيط ونعوم في البيان

شوشوبس
10-28-2011, 11:23 PM
الفستان لونه عنابي

و المزين كلمت مرت خالي قالتلي تعرف وحدة كويسة بتكلمهالي انشاء الله

لكن تعرفي كان خاطري اندير تسريحة مرفوعة !!!! يعني نخليه مطلوق شعري احسن ؟؟؟

رغــــــــــد
10-28-2011, 11:27 PM
ثالث شي بتهتمي ببشرتك خلال الفتره هذه حاولي تبعدي نهائيا عن المكياج وعليك بترطيب بشرتك فقط وأفضل مرطب راهو كريم جليسوليد الخاص بالوجه تلقيه علي شكل (توبّو) زي معجون الاسنان ^^ لونه أحمر
حلو بكل بكل للبشره
واذا كانت بشرتك في حبوب طول تمشي للصيدليه في دوا اسمه فيوسيدين
حطيه علي مكان الحبه تختفي نهائيا (مرات الحبه تطلع حتي من النفسيه والخوف^^)
رابع شي في مقشر اسمه ملح الحليب هذا استعمليه كل ما ديري حمام حشاك يخلي بشرتك ناااااااااعمه ويساعد علي التفتيح
واهتمي بترطيب إيديك وتقليم اظافرك بحيث يكونن جاهزات وقت البيان
ويكون طولهن وشكلهن مناسب

شوشوبس
10-28-2011, 11:29 PM
بارك الله فيك حبوبة عالمعلومات القيمة ^_^

الحمد لله بشرتي تمام و مهتمة باظافري كويس

رغــــــــــد
10-28-2011, 11:32 PM
معناها لون الاكسسوار يكون فضي لو زي الالماس بلمعه أفضل ولا أنتي شن رايك؟؟

وانا نشوف أفضل تخلي شعرك مطلوق اذا كان طويل
اما اذا كان قصير واجد قريب للكتف يعني فخليها ترفعه بتسريحه أحسن
مع إني نأييد انه يقعد مطلوق عشان يتغير شكلك في الفرح لما ديري تسريحه
لكن كان درتي تسريحه توا مرات يقعد شكلك نفس الفرح نفس البيان ما في جديد
انا في بياني خليت شعري مطلوق والجمّه من قدام رفعتها وعدلتها ليا
خلتها تبان كانها تسريحه من قدام لكن من لاورا مطلوق
فهمتي عليا

شوشوبس
10-28-2011, 11:36 PM
بالنسبة للاكسسوار عندك حق مفروض يكون فضي

بس انا نفضل نلبس ذهب ابيض ,, شن رايك ؟؟؟

و شعري طويل ,,, يعني نقدر انخليه مفتوح ^_^

باهي بالنسبة للضيافة ,, شن اقتراحاتك ليا ؟

رغــــــــــد
10-28-2011, 11:38 PM
بنقولك نصيحه عن تجربه وممكن تفيدك
خاصة للي بشرتها حساسه
لما تنعمي جسمك ووجهك
حطي في الفريز ماء ورد خليه لين يجمد
وبعد ما تكملي جسمك ووجهك
طووول دلكي صح صقـــع لكن ما يطلعن اي حبوب
لا في جسمك ولا في وجهك
وبعد ما تغسلي وجهك
ديري قناع الحليب (حليب مكثف عادي )
توا يبرد بشرتك ويحافظ علي نعومتها

رغــــــــــد
10-28-2011, 11:43 PM
حلو حتي الذهب الابيض حلو
بس عشان تثبتي أكثر علي راي
شنو لون الشنطه والكندرة حشاك؟؟

رغــــــــــد
10-28-2011, 11:45 PM
انا نقولك عاداتنا هنا لان مرات تختلف العادات في الامر هذا
يعني أنتو اللمه تكون عشيه بس ولا في عشاء
قوليلي شن عاداتكم في هذه وهل أهل العريس يجيبوا في شي معاهم
باستي لا تورته مثلا يعني شنو بلظبط ^^

شوشوبس
10-28-2011, 11:57 PM
تسلمي عالنصيحة الحلوة ^_^

الشنطة و الكندرة حاشاك نفس لون الفستان ( عنابي )

عندنا يقعدوا يتعشوا و يجيبوا تورتة

رغــــــــــد
10-29-2011, 12:07 AM
خلاص معناها الذهب الابيض احلي يفتح اللون شوي
ما يكون كله غامق وخلي الكوافير تخلي المكياج فاتح عشان تكسري اللون
ما ديرلك المكياج عنابي
للضيافه
نقولك عاداتنا
أول شي تجهيز البوفيه
يحطو في نوع او نوعين شكلاطه راقي مع علبة راني مع كيس يكون فيه المكسرات
وبعد ما يقعمزوا الضيوف
نحنا هنا يمرن بالنسكافيه مع الحلويات نوعين او ثلاثه
وبعدها حسب اذا كان في عاداتكم في اكله معينه في المناسبات
للعشاء يكون معاه 3 او 4 انواع موالح ومعاهن فواكه حسب مقدرتك
وإخر شي التورته وتقسيمها بعد ما يلبسوك الدبله طبعا
معليش الموضوع هذا ما نقدر نفيدك فيه وااااجد لانك انت اقصي الغرب
وانا أقصي الشرق في فرق في العادات
اذا كان في أي سؤال او استفسار اخري قولي
ما تتحشمي العرايس لبعضها << مثل جديد *52

شوشوبس
10-29-2011, 12:10 AM
هههههههه مشكور حبيبتي ما قصرتي ^_^

فعلا حسيت انك اختي *3

الله لا يحرمنا من بعض

انشاء الله لو احتجت لاي شيء تاني حنسألك ^_^

رغــــــــــد
10-29-2011, 12:13 AM
و كان ذكرت حاجه آخر نقولك
وآخر شي نضيفه لك وهي أهم حاجه بالنسيه ليا ^_^
اللي هي الكاميرا حاولي تصوري كل شي
وانتي تجهزي في فستانك وانتي حايسه في دارك ولمة هلك
وكذلك وانتو حايسين في المطبخ وتجهزوا
كل التفاصيل ويوم البيان بروحه صوري كل شي
راهي تقعد ذكري حلووووووووو هبكل فوق ما تتصوري

شوشوبس
10-29-2011, 12:16 AM
و الله ,,,, تعرفي كنت نبي انصور تابت بس

قصدك حتى الفيديو ضروري و يقعد ذكرى حلوة ,,,

صحيتي لانك نبهتيني حبوبة ^_^

رغــــــــــد
10-29-2011, 12:17 AM
ونحنا خوات يا غاليه ^_~
اي شي ولا يهمك تعالي هنا
ونحنا في الخدمه ^_^

رغــــــــــد
10-29-2011, 12:22 AM
الثابت حلو بس مش زي الفيديو حلووووو

صوري كل التفاصيل خاصة الحوسه
والشغل اللي قبل البيان تطلع تهبل
بعد ما تتفرجي عليه بعد البيان

شوشوبس
10-29-2011, 12:24 AM
انشاء الله

بس مش حتكون في حوسة هلبا لان البيان في الصالة

و العشاء بنوصوا عليه برا

مشكورة حبوبة ^_^

رغــــــــــد
10-29-2011, 12:32 AM
ربي يعينكم ويساعدكم إن شاء الله
ويتمملك علي خير
آميــن

لولوة الحبيب
10-29-2011, 03:25 AM
اهلين بالعرايس
الف مبروك شوشو وربى ايكملك على خير
رغدوة مشاء الله افكار كلها حلوة ما تنسيش ان شاء الله امتا ننخطب بناخدو رايك فى كل شى
عقباليا حتى انى قريبا ههههههههههههههههههه

رغــــــــــد
10-30-2011, 05:22 PM
انتِ الحلوه لولوه وانا في الخدمه في أي وقت
وعقبالك يا رب ^^

احلي لؤلؤة
10-30-2011, 07:59 PM
مساء الخير صبايا
شوشو الف مبروك وربي يكملك علي خير ان شاء الله
رغوده كيف حالك ياغاليه ماشاء الله افكارك حلوة ومانسيتي شيء بكل
شوشو لو مزال في شيء تفكري فيه قولينا نفكرو معاك

ميمو صقع
10-30-2011, 08:31 PM
هااااااي بنات

اسمعو وين الموضوع متاع هدرزه بنات ؟ وعلاش صكرو الموضوع متاع السؤال المحرج ؟

هبو الحلوه
10-30-2011, 08:37 PM
هايات

شفتي ميمو اخي المنتدي من غير الموضوع متع السؤال المحرج

احلي لؤلؤة
10-30-2011, 08:38 PM
ميمو وهبو اني ليا ايام معاش خشيت للمنتدي
مش عارفه علاش صكروه الموضوع

ميمو صقع
10-30-2011, 08:39 PM
ايه لازم منه السؤال المحرج :((

ميمو صقع
10-30-2011, 08:40 PM
توا بـــــنبدو نكتبو في هدرزه العرائس والمتزوجات واحني قاعدين مفرخ ههههههههه

هبو الحلوه
10-30-2011, 08:44 PM
ههههههههههههه(قويه مفرخ) هههههههههه عجبتني

شن بنديرو ماعندنا وين نمشو بروحنا

احلي لؤلؤة
10-30-2011, 08:46 PM
ههههههههه ميمو قويه كلمه مفرخ
اكيد بيفتحو موضوع جديد للمفرخ هههههههه

هبو الحلوه
10-30-2011, 08:55 PM
ههههههههههههه

اهلين احلي لؤلؤه كيف حالك ليك وحشه

احلي لؤلؤة
10-30-2011, 08:57 PM
هلا هبو الحمد لله بخير
تسلمي انتي اكتر شن اخبارك
بالك يعدينا الموضوع وننخطبو ههههههههه

هبو الحلوه
10-30-2011, 09:06 PM
دوووووم

حتي اني الحمدلله

ايه صح لؤلؤه فكـــــــــره

هو ان شاء الله يعدينا ربي يسمع منك(متع وحده ماصدقت)هههههههه

رغــــــــــد
10-30-2011, 09:46 PM
لؤلؤه الحمدلله مريضه شوي إدعيلي :(
كيف حالك إنتٍِ
ميمو هبو الحلوه انستن الموضوع ومرحبا بيكن في هدرزتنا^_~
عقبالكن يا رب

احلي لؤلؤة
10-30-2011, 09:48 PM
هبو هههه عادي عيشي اللحظه
رغوده خيرك لاباس عليك اكيده من الجو ربي يشفيك ان شاء الله

رغــــــــــد
10-30-2011, 09:49 PM
وماني عارفه شن بيضر النظام موضوع السوال المحرج ..ليش سكروه
ضاقت ما فيه قسم حايس إلا هذا *4
ممكن هذا اكثر موضوع ناشط في المنتدي ^^

رغــــــــــد
10-30-2011, 09:51 PM
لا والله فقر دم :(
والله لا يوريك بأس
بارك الله فيك

احلي لؤلؤة
10-30-2011, 09:56 PM
عندك من قبل رغوده ولا توا بس؟
حافظي علي روحك وكتري من عصير العنب

رغــــــــــد
10-30-2011, 10:10 PM
كان عندي قبل وتعالجت منه
وتوا رد عليا اخري :(

ميمو صقع
10-30-2011, 10:57 PM
هلا وغلا بنات

شن جوكم
اني اليوم جوي مش عاااااادي

رغــــــــــد
10-30-2011, 11:05 PM
هلا ميمو دوم جوك مش عادي
اما جوي متعكر الحق *4

ميمو صقع
10-30-2011, 11:17 PM
يدوم عزك

علاش علاش ؟؟ شن صاير

رغــــــــــد
10-30-2011, 11:32 PM
لانه تعبت في إنجاز امر لخاطر شخص
وهو ما دارله اي اهميه *4 *3
بعد التعب هذا كله *3
شن رايك شن نديرله ؟؟

ميمو صقع
10-30-2011, 11:47 PM
اممممم معليشي حبيبتي
ازعلي من الشخص هدا و تكبري عليه ولما يحس بغلطه قوليله علاش درت هكي ؟

لكن توا متخليشي يحس انك مهتمه بيه

YOSRA
10-30-2011, 11:50 PM
عزيزاتي ياريت تشوفوا عنوان الطرح ..

الطرح هذا لاستفسارات العرائس والمخطوبات وليس للدردشة ..

تحياتي

رغــــــــــد
10-30-2011, 11:51 PM
منوره علي النصيحه
وفعلا انا قاعده حاليا نطبق فيها
حسيت انه هكي أفضل
بارك فيك ميمو
يصير منك استشاريه
ما تحرمينا من طلتك هنا ^^

المغتربه
11-03-2011, 08:04 AM
المعذرة من الجميع .. ولكن هذا الموضوع للإستفسارات الجاده حول مراحل الخطوبة أو الزواج وغيرها .. لهذا أتمنى الإنتباه ..


تحيآتي ..#

أمة الله
11-09-2011, 07:23 PM
السلام عليكم
ساعدوني يا وخياتي اليوم كلمتني المزينة نجاة النجار وقالت إنها لغت حجوزات شهر 12 كلها لسبب طارئ
المهم أني عرسي في شهر 12 يعني قريب نبي تساعدوني لو تعرفوا مزين قنين ومضمون بالله عليكم راني نسيت كل اللي نعرفه من الصدمة

رغــــــــــد
11-09-2011, 08:18 PM
وعليكم السلام
للأسف اختِ انا مش من طرابلس
بس ما توتري
مازال قدامك وقت تقدري تحجزي
وتطلعي أحلي عروسه
إن شاء الله ربي يتمملك علي خير
والبنات مش حيقصرن معاك

YOSRA
11-09-2011, 08:26 PM
بالنسبة ليا مش من طرابلس لكن نعرف مزينات ف طرابلس

مزين بريجيت في غوط الشعال مطلعة عرايس ماشاء الله ..
و مزين سهى الحسناء لكن للأسف مانعرفش وين بالضبط ..

انتي استفسري عليهم هما 2 وان شاء الله تحصلي ..
وانا ننصحك ببريجيت اكثر ^_~

تحياتي ليك

احلي لؤلؤة
11-09-2011, 09:19 PM
ربي يهنيك ان شاء الله
شوفي فاطمه شعيب في الفرناج

روزي
11-10-2011, 01:06 PM
عندك سهى الحسناء فى النوفليين
مطلعه عرائس ماشاء الله وفى مرين
مروة فى الفرناج وفى ناديه الجزائريه غنيه عن التعريف
هيا اللى طلعتنى بسم الله ماشاء الله باربى وليت خخخخخخ
منورة وربى يكمل على خير ان شاء الله

أمة الله
11-10-2011, 09:47 PM
صحيتوا يا وخياتي بارك الله فيكم ربي يدوم علينا وعليكم الأفراح

مكسده
11-11-2011, 07:10 PM
السلام عليكم ياعرايس
نبى نسالكم سؤال
بالله اللى يعرف احلى صاله فى طرابلس ولا اللى عنده معلومه يقوللى
بالله ضرورى الايامات هادى لان معاش فى وقت

مرمريس
11-13-2011, 04:57 PM
سلامات انا عروس وفرحي بعد شهر وتعبانة وااااااااجد لاني نبي فستان فرح للايجار بسيط جدا لان الفرح عائلي لو حد ىيعرف محل ياريت ايدلني على عنوانه في بنغازي اكيد

feb BUTtERfly
11-13-2011, 05:40 PM
السلام عليكم ياعرايس
نبى نسالكم سؤال
بالله اللى يعرف احلى صاله فى طرابلس ولا اللى عنده معلومه يقوللى
بالله ضرورى الايامات هادى لان معاش فى وقت

وعليكم السلام

اناا اكثر صالتين عجبونى 17 فبراير "قورينا" ف سوق الجمعة الشط ف جنب مدرسة بشير الاسطى
والتانية اللبيب ف صلاح الدين

الحق الزوز عجبونى هلباا

وان شاء الله على خير *17

مكسده
11-13-2011, 06:48 PM
ايه اللبيب حلوه صح
بس دارت فيها اختى مانبيش انعاود انى
نبي وحده تانيه غيرها
لو حد يعرف

احلي لؤلؤة
11-13-2011, 07:48 PM
مساء الخير
ربي يكملك علي خير يامكسده
صاله فرحتي حلوة ونازكه وشوفيها حتي صورها في النت
وفي حتي صاله سما وصاله وناسه

مكسده
11-14-2011, 10:03 PM
مساءالورد وخيتى
وخيتى اختى العروسة
وصالة فرحتى الخق دارو فيها العيلة
وسما حلوه صح بس كبيرة هلبة والناس توا اللى ايجو مش هلبة معضمهم
عنهم شهداء ممكن صعب شوى

تبى الحق بجد احترت معاش عرفنا شن نختارو

احلي لؤلؤة
11-15-2011, 01:30 AM
باهي شوفو صاله وناسه يحكو عليها جديده
وصاله قورينا حلوة حتي هيا
وفي اللوتس

وردة الزنتان
11-17-2011, 10:01 AM
اهلين

شن رايك مكسدة تاخدي صالة السرايا حلوة ره

احلي لؤلؤة
11-17-2011, 01:27 PM
امس حضرت عرس في صاله اللوتس
حلوة وعجبتني هلبا وحتي خدماتهم كويسه
الايام العاديه3000 والخميس والجمعه 4000

عاشقة جنات
11-19-2011, 10:56 AM
والله انا مخطويه وعمرى 14 سنه ومانى عارفه شن اندير بابا غصبا عنى يبى زواجنى من ولد عمى يكون توا
الله غالب خذيت كتب وخلاص

آنثى استثنآئيه
11-21-2011, 06:08 PM
هآإي‘

مكسدهـ ربي يكملك ع خير ^_^

آكيد عآزمتيني *18

ميمو صقع
11-21-2011, 07:29 PM
الف مبرووووووك مكســــــــده

حتى اني اكيد معزومه بنجي مع سمو الاميره خخخ

آنثى استثنآئيه
11-22-2011, 04:26 PM
ميموش وآآآآك وإنتي ديمآآ لآصقه فيآآ >_<

يللآ نرفعك هالمرره وآمري لله ههههههههههههـ

rosy
11-22-2011, 04:34 PM
بنااااااااات انا عروسة

وعرسي قريب وبنهبل علي كوافيرة بليز هيلب مي

نجاة النجار مسكرة في شهر 12
وفاطمة شعيب ماتخدمش الاحد وزفتي الاحد

لدلك .. نبي رايكم
هل ناخد مدام نبيلة مزين النخيل او نجوى التليسي او سهى الحسناء


بلييييييييييييز

rosy
11-22-2011, 04:40 PM
السلام عليكم
ساعدوني يا وخياتي اليوم كلمتني المزينة نجاة النجار وقالت إنها لغت حجوزات شهر 12 كلها لسبب طارئ
المهم أني عرسي في شهر 12 يعني قريب نبي تساعدوني لو تعرفوا مزين قنين ومضمون بالله عليكم راني نسيت كل اللي نعرفه من الصدمة


حتي انا زيك .. لكن قبل بناخد فاطمة شعيب يشكرو فيها هلبا ,... بس للاسف هي ماتخدمش احد واتنين وانا زفتي احد
عموما لو تبي فاطمة شعيب خشي لموقعها
http://www.fatimashaib.com/contact.htm
هنا ارقامها و خريطة عنوانها

بلييييييييييييز ساعدوني

مدام نبيلة النخيل .. او نجوى التليسي .. او سهى الحسناء

rosy
11-22-2011, 07:51 PM
بنات .. منوا تعرف مراة منسقة اغاني دي جي كويسة
الاسم والرقم رجاءا شكراااا

العروسة
11-26-2011, 08:08 PM
بنات انى اندور في قفطان لي بياني قولولي من وين نمشي

العروسة
11-27-2011, 08:21 AM
بنات انى فضانيتي فى الميلود نبي اندور قفطان من توا قولولي وين نمشي

منتهى الرقة
11-27-2011, 09:15 AM
بنات انى اندور في قفطان لي بياني قولولي من وين نمشي

امشي لبن عاشور او شارع الظل وعندك شارع اول سبتمبر محل اسمه روعة او نصيب عنده فساتين حلوة وفى محل صهيب روعة شوفى حتى الفرع اللى فى سوق نادى الشط او محل الانسة اللى قدام الترسانة .
ولو ميزانيتك محدودة امشي لمحلات اللى فى الحشان قدام عويطى يجوا المحلات ثلاثة عاليات تركبيلهم بدروج والله فى محل حلو عنده تشكيلات حلوة ومش غالية يجو فى حدود من250 الى 400
وانت ونصيبك وربي يكملك على خير

منتهى الرقة
11-27-2011, 09:44 AM
ممكن مساعدة يابنات انى عرسي شهر اربعة وانى من طرابلس سوق الجمعة اتكون قريبة ونبى صالة فيها ستيج (مرقص ) تخدم باضاءة ليزرية ودخان خاطري نبي ندير الكيك ونصور انى وياه فيها ومااتكونش كبيرة يعنى 300 كرسي والله محتارة ياريت اتساعدونى يابنات بالك تعرفوا صالة حلوة اتقولولى عليها ...... انى قالولى على ميس الريم بس مشيت وشوفتها حلوة بس تخت العروس جاى على الجنب ومش عارفة مااستريحتلهاش

أمة الله
11-27-2011, 12:49 PM
ألف مبروك لكل العريسات والعقبة للي مازال بنقوللكم حجزت عند فاطمة شعيب وبالنسبة للأخت اللي سألت رأي إن الأفضل نجوى التليسي لأن سهى تمشي مع السمروات أكثر حاجة
يارت حد يقوللي على زفة حلوة احترت فيها الحق نبيها خليجية

rosy
11-27-2011, 10:28 PM
الحق انا شفت سهى عجبني ميك اب متاعها هلبااااااااااااااااااا
فاطمة شعيب بـــ 700 وخفيف وسيمبل .. نجاة النجار احلى منها بسي في شهر 12 ماتخدمش

الاخت اللي من سوق الجمعة الحق انا مانعرفش صالة غادي

الزفة شوفي محل يدير في زفات يديرلك وحدة

زهرة البيلسان1
12-01-2011, 01:35 PM
السلام عليكم: صالة بنات حواء فيها مرقص وكل اللى تبيه لكن غالية شوية وبعيدة على سوق الجمعة شوفى حتى صالة المندرة فى جامع الصقع حتى هى تهبل

زهرة البيلسان1
12-01-2011, 01:43 PM
بالنسبة للفساتين امشى لمحل كريستال في بن عاشور بعد جزيرة القادسية وحتى محل الملكة فى قرقارش فيه حاجات حلوة

منتهى الرقة
12-03-2011, 08:50 AM
السلام عليكم: صالة بنات حواء فيها مرقص وكل اللى تبيه لكن غالية شوية وبعيدة على سوق الجمعة شوفى حتى صالة المندرة فى جامع الصقع حتى هى تهبل

شكرا ليك بس وين اتجى بنات حواء

وصالة المندرة مش ماشيتلها هى حلوة فيها مرقص انى ندير عليها دورة
مشكورة مرة تانية

رغــــــــــد
12-03-2011, 11:16 PM
مساء الخير صبايا
كيف حالكم
وين شوشو شن صار معاك في البيان
تعالي احكيلنا ^_^

rosy
12-08-2011, 03:19 PM
كيفكم بنات

خيره الهدرزة مكسدة

بنسألكم العروسة لما تمشي للمركز علشان تقشير الجسم والحمام البخاري شن ترفع معاها ...؟
وشن تلبسي في الحمام البخاري ..؟

كدلك لما تمشي المزينة يوم العرس .. شن ترفعي معاك لو انك بتطلعي من المزينة للصالة طول

الرجاء المساعدة والاجابة

رغــــــــــد
02-04-2012, 10:53 PM
قلق وتوتر
يا رب سهلها

اوحه
02-08-2012, 03:37 PM
السلام عليكم ورحمة الله وبركاته اخواتي نبي مساعدة منكم في بعض الاشياء لان فرحي قريب *44

اوحه
02-08-2012, 03:46 PM
السلام عليكم ورحمة الله وبركاته مساء الخير لكم بنات عندي استفسارات عن بعض المحلات بطرابلس ونبي نعرف افضل شي لان فرحي قريب واني حايرة واجد واجد الرجاء ساعدوني

طرابلسية وأفتخر بلحرية
02-08-2012, 09:28 PM
وعليكم السلام ورحمة الله وباركاته ألف ألف ألف مبروك أتفضلي أي أستفسار أختي أوحة أدلالي حددي نوع المحل أو ألاشياء يلي تبيها مثل الفيلو ننصحك بمحل الماجري و البيك في قرقارش ومحل بروكار و المشيرقي في النوفليين و في المشيرقي 2 في بن عاشور وجرابة............ أي سوأل تفضلي

طرابلسية وأفتخر بلحرية
02-08-2012, 09:31 PM
أما بلنسبة للكوفير عندك أحسنهم طبعأ مركز سهي الحسناء "نجاة النجار"نادرة "الدهب أيمان............

اوحه
02-09-2012, 11:17 AM
وعليكم السلام ورحمة الله وباركاته ألف ألف ألف مبروك أتفضلي أي أستفسار أختي أوحة أدلالي حددي نوع المحل أو ألاشياء يلي تبيها مثل الفيلو ننصحك بمحل الماجري و البيك في قرقارش ومحل بروكار و المشيرقي في النوفليين و في المشيرقي 2 في بن عاشور وجرابة............ أي سوأل تفضلي
اختي مشكورة علي معلوماتك بس اني حجزت الفيلو منبي نعرف محلات كويسة للعبايات تكون سبشيال ومحلات ملابس كاجوال انيقة ومحلات احدية كويسة

طرابلسية وأفتخر بلحرية
02-09-2012, 12:35 PM
أوكي شوفي بالنسبة للعبايات عندك محل في بن عاشور (العباة الشرقية ) وفي محل بدون أسم في حي الاندلس أمام جامع العروسي ومحل أميمة في السياحية أمقابل مانسون وهدا منسون في أزياء كاجول روعععععععة طبعآ هما في السياحية جنب زرقاء اليمامة ومحل مانجو وأنت وهدم الاثنين في السياحة فيهم لبس كاجول روعة وبلنسبة للأحدية عندك محل عبدالله في حي ألاندلس في جنب قهوة كاركلاا وفي محل خالد في المنصورة أمام العالم سابقآ

اوحه
02-09-2012, 10:18 PM
أوكي شوفي بالنسبة للعبايات عندك محل في بن عاشور (العباة الشرقية ) وفي محل بدون أسم في حي الاندلس أمام جامع العروسي ومحل أميمة في السياحية أمقابل مانسون وهدا منسون في أزياء كاجول روعععععععة طبعآ هما في السياحية جنب زرقاء اليمامة ومحل مانجو وأنت وهدم الاثنين في السياحة فيهم لبس كاجول روعة وبلنسبة للأحدية عندك محل عبدالله في حي ألاندلس في جنب قهوة كاركلاا وفي محل خالد في المنصورة أمام العالم سابقآ
شكرا حبيبتي وبارك الله فيك وياريت ماتبخلي عليا بخبرتك

ندى الشوق
02-10-2012, 01:57 PM
موضع مميز بجد ,,, لان كتير منا تنقصهم الخبره

و في من لا يتعرف كيف بتتصرف

في مرحلة الخطوبه ,, وما بعد ذلك

تقبلى مرورى وشكرى لك

ندى الشوق
02-10-2012, 01:59 PM
بما انى مخطوبه ( وماليش واجد مخطوبه )

وفرحى قريب ,,,,

اكيد هيكون عندى فضول للقصقصه

طرابلسية وأفتخر بلحرية
02-10-2012, 11:58 PM
أكيد تتفضلي حبيبتي ههههههه

ندى الشوق
02-11-2012, 07:36 PM
شنو فيا ما في

حلاتي في صفاتي
02-28-2012, 07:16 AM
حبيباتي عرسي بعد شهر وزي ماتشوفو المحلات كلها ملابسهم قاعده شتويه شن ندير انا بنخش ع الصيف

عروسة ليبيا
03-15-2012, 10:51 PM
مساء الخير مخطوبات ومدامات والبنات العقبة ليكم يااااااااااارب
هادى اول مشاركة ليا فى المنتدى
ياريت نفيدو ونستفيدو من بعض
على فكرة أنا مخطوبه وبصراحه مجهزتش نفسى بكل
ومش عارفة بى شن نبدأ عندى متلخبطة ومش عاااااارفه من وين نبدأ
حبيت نقول لى حلاتى من صفاتى:مداما عرسك شهر 3 فاخودى لبس قطنى وخفيف يمشى حتى فى الصيف انا طلعت لى السوق أمس وأكتر المحلات بينزلو بضاعة جديده بعد عشرة أيام.
وإن شاء الله ربى يكون فى عون الجميع

عروسة ليبيا
03-16-2012, 02:15 PM
أما بلنسبة للكوفير عندك أحسنهم طبعأ مركز سهي الحسناء "نجاة النجار"نادرة "الدهب أيمان............
مساء الخير طرابلسية: معليشى ممكن تقولى وين ايجى بالضبط مزين نادرة أنا سامعه بيها بس نبى نعرف مكانها.وهل إنتى شايفتلها عرايس من قبل يعنى كويسه
يالله عليك ساعدنى .وربى يفتحها عليك

عروسة ليبيا
03-16-2012, 02:17 PM
وينكم ياعرايس نشطو الموضوع وخلى نستفيدو من بعض

maremar libya
03-28-2012, 01:42 AM
السلام عليكم
بالله يا بنات نبي مساعدتكم عرسي شهر 5 وعقبال كل البنات ومش عارفه نخش و نطلع ... مش عارفه اي مزين نختار نادية ولت مش أوي لا حظت ان عرايسها شكل واحد و فاطمة شعيب مكياجها حلو بس تسريحاتها مش أوي و نبي نعرف اسعارهم و برنامج الصبغة والعناية بالبشره يحسب مع الميكأب ولا كيف؟؟

طرابلسية وأفتخر بلحرية
04-02-2012, 01:11 AM
مساء الخير طرابلسية: معليشى ممكن تقولى وين ايجى بالضبط مزين نادرة أنا سامعه بيها بس نبى نعرف مكانها.وهل إنتى شايفتلها عرايس من قبل يعنى كويسه
يالله عليك ساعدنى .وربى يفتحها عليك

مساء الورد أسفة طبعآ علي التأخير في الرد . نادرة مزينها قدام صالة المندرة بالتمام في صاليطة أتركب للحي المقابل الصالة هي أول ماتركبي أيجيك علي اليمين حوش أملعق ومش مكتوب عليه شي أه شايفتلها عرايس ماشاء الله عندي صاحباتي طلعو من عندها وأني مكيجا عندها بصراحة تحفة

طرابلسية وأفتخر بلحرية
04-02-2012, 01:16 AM
السلام عليكم
بالله يا بنات نبي مساعدتكم عرسي شهر 5 وعقبال كل البنات ومش عارفه نخش و نطلع ... مش عارفه اي مزين نختار نادية ولت مش أوي لا حظت ان عرايسها شكل واحد و فاطمة شعيب مكياجها حلو بس تسريحاتها مش أوي و نبي نعرف اسعارهم و برنامج الصبغة والعناية بالبشره يحسب مع الميكأب ولا كيف؟؟

بالنسبة للأسعار الأغلابية 500مع الميش والصبغة أكيد أكثر ومن ناحية العناية بالبشرة حسابة بروحة وكل كوفير علي حسب في 50وفي 70بس مش ظمن الحساب لا

عروسة ليبيا
04-06-2012, 04:46 PM
مساء الورد أسفة طبعآ علي التأخير في الرد . نادرة مزينها قدام صالة المندرة بالتمام في صاليطة أتركب للحي المقابل الصالة هي أول ماتركبي أيجيك علي اليمين حوش أملعق ومش مكتوب عليه شي أه شايفتلها عرايس ماشاء الله عندي صاحباتي طلعو من عندها وأني مكيجا عندها بصراحة تحفة

شكرا ع الرد
إن شاء الله ربى يفتحها عليك وينولك اللى فى بالك

راقصة الباليه
04-13-2012, 03:53 PM
هااااااااااى يا احلى عراااايس

meme87
04-19-2012, 06:05 PM
احلي وحده في المزينات في ليبيا (فيف)لهي فاطمه الشعب
لا سهي ولا ناديه ولا ولا كلهم

meme87
04-19-2012, 06:08 PM
طبعا اني طلعت منها عروسه في 4\10\2011 وخاطري انوريكم الصور بس تعرفو مانقدرش .بس بجد ننصحكم بيها ......وعندها برستيج مش زى المزينات الثانيه همج في همج

meme87
04-19-2012, 06:11 PM
نستني في الرد (سلام)

امبراطورة ورفلة
04-19-2012, 06:16 PM
ربي يهنيكم كلكم....اني فاطمه نسمع بيها لان عندنا بنات من ورفله يمشولها خصيصا من ورفله

يشكرو فيها هلبه وهيا مطلعه بنت جيرانه...

مغرورة لآسباب أمنية
04-29-2012, 03:01 PM
الف مبروووووووووووووووووووووووووووك لعرايسنا

والعقبة للبنوتات

مغرورة لآسباب أمنية
04-29-2012, 03:02 PM
طبعا اني اندير في بطاقات وحاجات افراح اللي تبي مساعدة تتفضل

قماطية حرة
05-04-2012, 04:56 PM
ربي يهني المتزوجات والعقبا للبنات

لولوة الحبيب
05-18-2012, 12:09 AM
ربى ايهنيكم
وعقباليا ..............................هههههههههههههههههههه ههههههههههههههههههههههه

مسلمة
05-27-2012, 12:12 AM
السلام عليكم ,كيف الحال ياوخيتى انى جديده معاكم اهنى نبى ترحيب ,وتانى حاجه بيانى قريب نبى احلى مزين توا سلم اوخيتى اتقولولى افضل مزينه ونبى حتى افضل محلات ملابس قفاطين البيان وهى توا نستنى فيكم والفال على كل بنيه.

كـريـسـتـآآل
08-15-2012, 11:07 PM
باهي اللي مش عرايس ومش مخطوبات شن وضعهم اهني .. .. *5

دلوعه بنغازي
08-29-2012, 11:45 AM
مشكوووووور والله يعطيك الف عافيه

وردة المدائن
08-29-2012, 01:34 PM
السلام عليكم


كيف حالكم يا بنات هذه اول مشاركة ليا والموضوع هوا دردشة للعرائس والبنات اللي داخلين علي زواج ومش عارفين شن يديرو .. فيالهدرزه يتكلمو مع بعض بشكل مباشر وينصحو بعض ويتبادلو الخبرات باش ميقعد حد حاير شن يدير في عرسه
تفضلو للهدرزه من هني


وأيضاً أي أستفسارات تخص البنات حول أمور خاصة جداً تعرض هنا ..



امنوووووووووووووووووووووووووووووووووووره

samo. samo
10-15-2012, 07:58 PM
السلام عليكم
انا برضو هذي اول مشاركه ليا في المنتدى
بنات انا مخطوبه وفرحي اقريب في شهر 12وخايفه واجد وعندي اساله وياريت في من ايجاوبني
ومشكورات

>جوليانا<
12-02-2012, 05:50 PM
هــآلــوـووُزز،،

كـيفكم *11 !!

صمت الحنان
12-11-2012, 04:17 PM
تفضلي حبيبتي أني نعطيك الارشادات

شموس
12-11-2012, 07:34 PM
هاااااي بنآات
آني متزوجه وآآي آستفسار حتى ولو كآن خآاص تفظلوا..

رفاء
12-27-2012, 12:01 AM
يلا ماعندكن عليش خايفات توا اتعودو على بعضكم نين تملو من بعضكم

ندى الشوق
02-08-2013, 06:32 PM
اول مره انخش وانشوف هالموضوع

انا مخطوبه وفرحى ان شاء الله قريب

بس انا خايفه من حاجات واجده

اول شي الفكره بروحها انى انا وهو بيسكر علينا باب واحد وبنكون شي واحد
شوفن انا حشومه واجد منه مع انى انحبه وهو ايحبني يعنى واخدين بعض عن حب وهو نفس عمري

هو دايما ايقولي في كلام بس انا ما عندش الجرءه انى انبادله نفس الكلام
حتى كلمة انحبك من القليل النادر انى انقولها

نحنا ما نتكلمو واجد عن بكرا ولا عن المستقبل بكل

مرات انا نضايق منه في حاجات ممكن لا معنى لها بس ما نحكيش بكل

الدلووعة
02-27-2013, 01:39 PM
عزيزتي ندى الشوق ننصحك انك لا تكوني كتومة المشاعر مع خطيبك
لأن هذا يسبب المشاكل بينكم لا سمح الله
ولو تزعلي منه ع اي شي لازم اتقوليله اللي ايزعلك لأنه لو تقعدي تزعلي منه بدون ماتقولي بتتعبي انتي اول شي وتاني شي رح اتحسسيه بالنقص
لانه اكيد كل وحدة فينا يتغير اسلوبها لم تزعل .... وبالنسبة للحشم اي عادي اتحشمي
لكن مش هلبة عاد ايقول هادي معقدة بعدين هههههههه ....
هادي نصيحتي ليك ياريت تقبليها
مع ودي وحبي ليك اختي دمتي بخير ....اختك (الدلووعة) .

عشق الاهلي
03-28-2013, 08:57 AM
اني مخطوبة وخطيبي يكذب هالبة شني تنصحوني انحس في روحي مخنوقة هالبة

شموس
03-28-2013, 10:12 PM
والله شن بنقولكـــ يااما مشيه ع الصراط المستقيمــ
يااما فوتيه الان الكذب يخرب في البيوت
صارحيه وقوليه هكي مايمشيش معاي يا يتغير يا ربي يعوض باللي خير منه

جكتوريه وإنهبل 92
04-29-2013, 09:23 PM
بسم الله الرحمن الرحيم *انا بصراحه حايره بين ماذا اختار انا بدي ارواب طويله مستوره بعض اخر يرودون ارواب قصيره جدا حاير اريد ان احصل ع نصيحه ماذا اشتري

أم يوسف
04-29-2013, 09:34 PM
يا حبيبتى .. اختارى الارواب القصيره والمغريه والجداابه ... كى تاسرى قلب زوجكـ

خليت قلبي لماما بس
05-26-2013, 10:13 AM
ام يوسف من العسل اللي حاطيتيها صورتك كان جنبي كنت زرطتها

اما اللي تسأل على الروب أكيد السبي لراجلك الروب القصير واللي يقعد لاصق وما تقصري في حق زوجك عشان ديمه يشوفك احلى وحده

وما ايحس ناقصه شي

بنت البريقة
05-29-2013, 06:21 PM
حابيباتي أنقذوني فرحي بعد رمضان ومش عارفه شندير بعد يسكر عليا أنا وياه باب واحد ياريت فهمتوني انقذوو ني

خليت قلبي لماما بس
06-01-2013, 06:43 PM
هههه قبلك كنت هكي بس ما عندك عليش اتخافي ولا عندك عليش تنشغلي

اقري سورة البقرة في فرحك والمعودات وتوكلي هادي سنة الحياة والزواج محبة والفة وين تلاقي شخص ايحن عليك وايحبك ويدلعك ويخاف عليك

شبحتي فيك بعد يسّكر الباب اتسيحي من الفرحة

ربي يوفقك ويكمّل عليك ويارب بعمارك

أم يوسف
06-18-2013, 11:10 PM
خخخخخخخخخخخخخ بنات انا بنموت من الرعب

قولى كلمه زواج قدامى نحس فى روحى ننخنــــق ^^ خايـــــــــــــفه + فرحانههـ

كل مانقرى عن حقوق الزوج فى الشرع نخاف يجي يوم و يزعل منى (( لا قدر الله ))

مش مشكله انا نزعل والا نطربق اهم حاجه زوجى قره عينى $__$ هو جنتي و نارى

بكرى موعــــــــــــد حااسم ادعوا لى يابنـــاات الله يستر

اميره الاحزان
09-03-2013, 04:23 PM
*68*68*68*68والله فكره حلوه

دلوع وعسول
01-11-2014, 11:53 AM
اني لا مخطوبة ولا متزوجة
جيت هني تغيير جو وبس
يلا جاور المساعيد تسعد

أم يوسف
01-11-2014, 12:00 PM
^^

ربي يسعد (( دلوع و عسولْ ))

العقبة لك ياربْ تنخطبــى وتتزوجـــى

دلوع وعسول
01-11-2014, 12:09 PM
كلك ذوق اختي ام يوسف
ربي يحفظك و يخليلك يوسف وابو يوسف يا رب

أم يوسف
01-11-2014, 12:13 PM
تسلمى يا خيتى الطيوبـــة ^^
انى بنت مش متزوجـــــــــــــــــــــــة ^^
ان شاء الله ربي يبعت لى انسان صالح و نتزوج ونسمي يوسفْ

دلوع وعسول
01-11-2014, 12:17 PM
آمين يا رب
اني آسفة حسبتك متزوجة
يلا فاولتلك "فال وعلي الله الكمال"

أم يوسف
01-11-2014, 01:05 PM
^^ ان شاء الله ياربْ
تسلمى خيتووو ^^

فرح الرقيعي
01-13-2014, 09:22 PM
اني مخطوبه وخطوبتي كانت علي علاقه

أميرة بكلمتي
01-13-2014, 10:23 PM
انى مخطوبة وعرسي احتمال في الصيف وتوا مخنوقة خنقة الصح في البتات والمشااوير ربي يعاوني وخلاص
والعقبة ليكم كلكم يابناااات

أم يوسف
01-16-2014, 05:17 PM
ربي يسعدكـ وخيتى فرح
وكذلك ربي يسعدكـ بنتك يا معمرْ ^^
احم احم شدوا الهمة يا عرااايسْ ^^ *6 الله يكون فى عونكم هههههههههههههه

أميرة بكلمتي
01-16-2014, 05:23 PM
ربي يسعدكـ وخيتى فرح
وكذلك ربي يسعدكـ بنتك يا معمرْ ^^
احم احم شدوا الهمة يا عرااايسْ ^^ *6 الله يكون فى عونكم هههههههههههههه

تسلميلي حبيبتي

وعقباالك يااارب

أم يوسف
01-16-2014, 05:37 PM
العقبــة لى ..؟؟؟ !!

لالا خلااص انى مش رح نتزوج خلااص فاتنى القطار على قولت على صالحْ ههههههههه

فسخت مرة وخلاص

أميرة بكلمتي
01-16-2014, 05:42 PM
لالا حبيبتي ماتقوليش هكي بإذن الله مازال الحياة قدامك

امشى هو يجو الف بعده انشاء الله
وربي يرزقك بواحد خير منه يااارب

ومعاش تقولي هكي خير مانزعل منك

أم يوسف
01-16-2014, 05:48 PM
الا زعلك بنوتـــى الغاليـــة ...
ربنا كريم ونبي حورى من الجنة مانبيش راجل فى الدنيــا *6

أميرة بكلمتي
01-16-2014, 08:56 PM
ان شاء الله ربي يعطيك كل ماتتمني يااارب

أم يوسف
01-16-2014, 09:02 PM
آمين يارب

دلوع وعسول
01-17-2014, 02:52 PM
انى مخطوبة وعرسي احتمال في الصيف وتوا مخنوقة خنقة الصح في البتات والمشااوير ربي يعاوني وخلاص
والعقبة ليكم كلكم يابناااات


ان شاء الله الف مبروك خيتا
ربي يعاونك
ان شاء الله جازة الدهر

اعزمينا ع العرس باش نقرصو ركبتك
ههههههههههههههه

أميرة بكلمتي
01-17-2014, 02:54 PM
الله يبارك فيك حبهاا والعقبة ليك يااارب

اكيييد بنعزمكم انتم اول وحدات وكان ماتجوش بنزعل منكم

هههههه حرام عليك علاش القرص ههه

دلوع وعسول
01-17-2014, 02:58 PM
الله يبارك فيك حبهاا والعقبة ليك يااارب

اكيييد بنعزمكم انتم اول وحدات وكان ماتجوش بنزعل منكم

هههههه حرام عليك علاش القرص ههه

امين يارب
كله الا زعلك اول من يجي اني
بنقرص ركبك باش نمشي في جرتك
ههههههههه

أميرة بكلمتي
01-17-2014, 03:09 PM
اهااا خلاص اقرصي عادي

المهم تجي بس

دلوع وعسول
01-17-2014, 03:32 PM
اهااا خلاص اقرصي عادي

المهم تجي بس

هههههههههههههه
تم

أميرة بكلمتي
01-17-2014, 03:33 PM
دلوعتي تسكني في طرابلس ولا؟

دلوع وعسول
01-17-2014, 03:40 PM
الحق لا بس ما نقدر انقول وين ساكنة
بس ان شاء الله بننتقلو لطرابلس في هالعامين

أميرة بكلمتي
01-17-2014, 03:45 PM
اووو خساارة معناها مش رح تجي

حي حي نقتلك بعدين ههههه

دلوع وعسول
01-17-2014, 03:49 PM
ههههههههههههه
يستر الله
وخصوصي اني ما نعدي لطرابلس هلبة

من عالم بالك خطيبك يقربلي ونحضر

حق مبروك افتتاح المدونة
خفت انباركلك وسطها يجيني اندار
ان شاء الله اني من المتابعين

أميرة بكلمتي
01-17-2014, 03:51 PM
ان شاء الله يطلع يقربلك

ههههه الله يبارك فيك

تسلميلي
شن رايك فيها بصراحة؟؟

دلوع وعسول
01-17-2014, 03:54 PM
الحلو ما يطلع منه الا الحلو
بجد حلوة
اني انحب المدونات

أميرة بكلمتي
01-17-2014, 03:57 PM
تسلميلي ياارب

عيونك الحلوات يااحلوتي

دلوع وعسول
01-23-2014, 02:13 PM
السلام عليكم
كيف الحال بنات
اني النت عندي ازمة الايامات هاذو
هذا باش ما ندخل هلبة
انتم شن اخباركم

أميرة بكلمتي
01-23-2014, 02:18 PM
وعليكم السلام
تمام الحمد لله كيف حالك انتي

هو النت يفدد الايام هادي درهلي كبدي

امورك طيبة؟

دلوع وعسول
01-23-2014, 02:27 PM
تمام والحمد لله
بس هو النت الحق متعبني هلبة


شن اخبارك ان شاء الله تمام

أميرة بكلمتي
01-23-2014, 02:29 PM
تمام
مستعدة للمدرسة ههههههه وااااك مصرع ماتمت العطلة

دلوع وعسول
01-23-2014, 02:36 PM
اي صح تمت بسرعة

بجد القراية مقرفة

أميرة بكلمتي
01-23-2014, 02:42 PM
مقرفة وبس
واااااااك وخلاص هههههه مليت منهاا

دلوع وعسول
01-23-2014, 03:26 PM
بس بيني وبينك خير من الكساد

أميرة بكلمتي
01-23-2014, 03:29 PM
ايه صح ههههههههههه لكن مملة

دلوع وعسول
01-23-2014, 03:34 PM
هههههههههههههه
الملل في كل مكان

احني هكي ما يعجبنا العجب
يوم اتم القراية انقولو ياريت نولو نقرو ا

أميرة بكلمتي
01-23-2014, 04:22 PM
هههههه ايه صح كل شي مش عاجبنا